نوزاد 6 بهمنˇ 1301 رشتˇ مئن به دونیا بومو. خو تحصیلات متوسطیا تئرانˇ دبیرستانˇ نظام دورون بخوانده و بعدش بشو دانشگاه.
اوستاد فریدون نوزاد محقق و نیویسندیه کتابان و مقالان زیادی ئیسه در زمینه تاریخ و گیلان سنتان و هتو مشروطه تاریخ و نیویسندیه لوغت نامیه - گیل گب - هم ئیسه.
اونˇ بعضی بینیویشتان :
چهل تکه
تاریخ نمایش در گیلان
لغت نامه گیل گب
نامه های خان احمد خان گیلانی
ایمروز ۲ بهمن ماه برابر با هیجده شریر ما ، سالروز تولد خسرو گلسرخی
خسرو گلسرخی 2 بهمن 1322 رشتˇ مئن به دونیا بومو شاعر و نیویسنده و فعالˇ سیاسیˇ چپگرا بو اونˇ پئر و مار هر دوتا جزء گیلانˇ آزادیخاهان بون گلسرخی محمد رضا پهلوی دورانˇ مئن ب همرایه کرامت الله دانشیان محاکمه و اعدام ببسته .
دفاعیانی که گلسرخی دادگاه مئن بوگوده هو زمات تیلیویزیون جا پخشا بو و باعث معروف بستن اون ببو .
گلسرخی جا تا زماتی که زنده بو کتابی چاپ نبوبو بعد مرگ اون چند تا کیتاب اون جا چاپ ببو .
خسرو گلسرخی 29 بهمن 1352 به جرم شرکت در گروگان گیفتن رضا پهلوی دادگاه ارتشˇ مئن به اعدام محکوم ببو و تئران میدان چیتگر دورون تیرباران ببو.
ایدامه :
سیروس قایقران از ائیته شهر کوچیک و بی امکانات بتانسته خوره در فوتبال ایران فاکشه بوجور و خودشه با بزرگان فوتبال ایران هم طرازا کونه.
واقیعت اینه که أ پیله مردای با خو أ کار ، کاری بوگود که جوانان أ دشت و دیار خوشانه تمام تلاشا بوکونید تا اونه راه ایدامه بدید.
قایقران 1340 بندرانزلی میئن بدونیا بوموو از بچگی فوتباله داخل کوچه های خاکیه کلویر أ شهر شوروع بوگود.
محل تحصیل سیروس بندر انزلی و اونه پئر تربیت بدنی و اونه مارخانه دار بو. چهارتا برار داشتی به نامهای عبدوالله ، ناصر ، نادر و حسین و دوتا خاخور. و ایته زای به نام راستین متولد 69 قایقران عضو باشگاههای ملوان بندر انزلی ، استقلال بندر انزلی ، الاتحاد قطر ، کشاورز تئران بو.
ایدامه :
ایمروز ۳۰ دی ماه برابر با شانزده شریر ما ، سالروز درگذشت محمود نامجو
پالوان محمودˇ نامجو ۱۲۹۷ شمسی رشتˇ محلیه اوستادسرا مئن ب دونیا بومو . نوجوانی دوران مئن به وزنه برداری علاقه مند ببسته.
محمود نامجو بخاطر استعدادی ک دیشتی جغز وزنه برداری ، ژیمناستیک ، بدنسازی و کشتی مئن هم حرف گوفتن واسی دیشتی . ۱۸ سالگی کشتی دورون قهرمان کیشور ببسته .
پالوان محمود بدون ان که امکاناتی بداره بتانسته وزنه برداری اولین مدال طلای جهانیا سالˇ ۱۹۴۹ فیگیره.
دهلی موسابقان مئن قاره آسیا اولین وزنه بردار بو که بتانسته رکوردˇ جهانˇ بجور ببره . نامجو بتانسته خیلی زود پروش اندام مئن هم قهرمان ببه .
ایدامه :
اینام یته گیلکی ترانه، جی: "محمد شهدی لنگرودی:
بمانی دسته دسبندوئنه بئینین
بـمانی گردنه مرجونه بئینین
تلـــمبار نوغونه خال بنابو
بمانی دخـــــتر گیلانه بئینین
لینکان :
در هشتی برهنه ی خانه/
گفتم به مادرم؛/
امروز ما ناهار چه داریم؟/
خندید و گفت : عزایِ غذای شب!
گیلکی واگردان:
خؤنه خالی حیاطˇ مئن
می مأره بوتم:
امرو ناهار چی دأنیم؟
خنده بوده بوته: شؤˇ غذایˇ غمه!
شصتسالگی م.راما. میرعماد موسوی
یادی از م.راما، محمد امین لاهیجی
ایمروز ۲۲ دیماه برابر با هشت شریر ما ، سالگرد درگذشت احمد عاشور پور
احمد عاشورپور بندر انزلی غازیانˇ مئن به دونیا بومو خو مدرک تئرانˇ دانشگا ، دانشکدیه موهندسی مئن فیگیفته . به خواندن علاقه دیشتی و خوانندگیا به صورت غیر حرفه ای سراگیته .
سالˇ ۱۳۲۲ ابوالحسن صبا امرا آشنا بو بو بوشو رادیو تئران و به خوانندگی مشغولا بو . بعدنان روح الله خالقی اونه به موسیقی انجمن ملی مئن دعوت بوگود . اونˇ چند تا ترانه شعرانا جهانگیر سرتیپ پور بوگوفت.
عاشورپور آخران عمر اونˇ ریه عفونت بوگود و ۲۲ دیماه ۱۳۸۶ تئرانˇ بیمارستان جم مئن بمرد.
ایمروز ۱۵ دیماه برابر با اول شریر ما ، سالگرد درگذشت محمود رضا طلوع
محمود رضا معروف به طلوع سالˇ ۱۲۶۷ ه .ش رشتˇ مئن به دونیا بومو . خو درسان هم مکتب خانان قدیمی مئن بخوانده هم هه جدید مدارس مئن که تازگیا رشتˇ مئن وازا بسته بو.
محمود بعد ان که رشتˇ مئن خو درسانا تومانا گوده بوشو اروپا ، و حقوقˇ رشته مئن ایدامه تحصیل بدا . ولی با شروع بوستن قیام جنگل درسا ولا گوده بومو رشت . و اولین کمیتیه اینقلابی مئن عضو ببسته و سمتˇ کمیسر قضائیا فیگیت .
محمود دو سال بعدˇ تومانا بستن قیام جنگل ئیته روزنامه را تاوده با نام "طلوع" که هه زمات جا اونه فامیلی به طلوع تغییر کونه .
طلوع بعدنان مردومˇ لاجان جا به نمایندگی موسسان مجلس اینتخاب به . بعد نمایندگی هم به کار وکالت مشغولا به .
محمود رضا طلوع ۱۵ دیماه ۱۳۱۹ ه ش به طور مشکوکی میره.
اینجـا همـه بـوی " گزنه" می آید
ازجنگــل و کــوه و گـردنه می آید
گــور پـدر غصـه و غــم خنـدیـدیم
تا بوی گل از "بلسبنه" می آید!
شعر از آق دایی
Powered By
BLOGFA.COM
